Psa 130 | YON | STEP | Daane kawini ye yook. O Yariman , ne miin yiminban keraan ye niindem aombed eb yaa baandaan.

Psalms 130

Yook 130

Daane kawini ye yook.

1 OYariman, ne miin yiminban keraan ye niindem aombed eb yaa baandaan.

2 O Yariman, ne weng kee wengamberewe.
Eb kerendem kuu ne yaa kowe
ne yaa mimyob keewe ande baandaan kuyaa wengambere.
3 OYariman, eb kuu kekamune ambarakmi ye yuun awinaneeb keraneen kuu,
o Yariman, kanembed ma wad doraanban keraneen kii.
4 Kumban eb kuu ambarakmi are nonondandi kerekmeniib kowe,
eb yaa unanuub kumbedmo yimin.
5 Ne kuuYariman ye awawi dowad meedmiin, ne inamen kumundiniib kumbed meedmiin kii,
kwane ye weng yaambed kwananeen ande kowaan.
6 Ne inamen kumundiniib kumbed Yariman ye awawi dowad nindorokiibbed meedmiin,
amnoom oone kerekbiridanbed awawini waruk ande meedmimaib arebban,
anamaa, amnoom oone kerekbiridanbed awawini waruk ande meedmimaib arebban.
7 O Israeldan,Yarimanbed kwananeen ande meedmime,
amborom kuuYariman kuu womoniyiibban ye mimyob dowakeniib kowe,
kwane ye kuu yiminmo biddi ye karub.
8 Yekareb yembed Israeldan kuu
yi ambarakmi yaambed bidde baneen.